சேலம்:தமிழ் புத்தாண்டு, விஷூ, ஈஸ்டர் பண்டிகைகளை முன்னிட்டு, பயணியர் கூட்ட நெரிசலை தவிர்க்க, சென்னை சென்ட்ரல் -‍ கொல்லம் இடையே சிறப்பு ரயில் அறிவிக்கப்பட்டுள்ளது.

இதுகுறித்து சேலம் ரயில்வே கோட்ட நிர்வாக அறிக்கை:

சென்னை சென்ட்ரல் - கேரள மாநிலம் கொல்லம் ரயில் வரும், 12(நாளை), 19ல், சென்ட்ரலில் இரவு, 11:20க்கு புறப்படும். மறுநாள் மதியம், 3:30 மணிக்கு கொல்லத்தை அடையும். இந்த ரயில் சேலம், ஈரோடு, திருப்பூர், போத்தனுார், பாலக்காடு வழியே செல்லம். சேலத்துக்கு அதிகாலை, 4:00 மணிக்கு வரும்.

மறுமார்க்க ரயில் வரும், 13, 20ல், கொல்லத்தில் இரவு, 7:10க்கு புறப்படும். மறுநாள் காலை, 11:10 மணிக்கு சென்ட்ரலை அடையும். இந்த ரயில் சேலத்துக்கு அதிகாலை, 5:07க்கு வந்து செல்லும்.

மற்றொரு ரயில்

பெங்களூரு - கண்ணுார் சிறப்பு ரயில், இன்று இரவு, 11:55க்கு புறப்பட்டு, பங்காருப்பேட்டை, குப்பம், சேலம், ஈரோடு, திருப்பூர், கோவை வழியே மறுநாள் மதியம், 1:30 மணிக்கு கண்ணுாரை அடையும். சேலத்துக்கு நாளை அதிகாலை, 5:05, ஈரோடுக்கு, 6:10க்கு வந்து செல்லும். மறுமார்க்க ரயில், வரும், 14 மாலை, 6:25க்கு கிளம்பி, அடுத்தநாள் காலை, 8:00 மணிக்கு பெங்களூருவை அடையும். ஈரோடுக்கு அதிகாலை, 2:10, சேலத்துக்கு, 3:17க்கு வந்து செல்லும்.

இன்று மாற்றம்ஈரோடு ரயில்வே ஸ்டேஷன் அருகே பராமரிப்பு பணியால், இன்று காலை, 7:20க்கு புறப்படும், திருச்சி - ஈரோடு பயணியர் ரயில், கரூர் வரை மட்டும் இயக்கப்படும். அதேபோல் இன்று அதிகாலை, 5:10க்கு கிளம்பும் செங்கோட்டை - ஈரோடு எக்ஸ்பிரஸ், கரூர் வரை மட்டும் இயக்கப்படும். கரூர் முதல் ஈரோடு வரை ரத்து செய்யப்படுகிறது. இன்று மதியம், 2:00 மணிக்கு புறப்படும் ஈரோடு - செங்கோட்டை எக்ஸ்பிரஸ், மதியம், 3:05க்கு கரூரில் இருந்து கிளம்பும்.