அந்தியூர் : அந்தியூர், தவிட்டுப்பாளையம் சுற்று வட்டார பகுதிகளில், 500 விசைதறிகள், 300 கைத்தறிகள் இயங்குகின்றன. இத்தொழிலை நம்பி, ௧௦ ஆயிரத்துக்கும் மேற்பட்டோர் உள்ளனர். கடந்த சில நாட்களாக இப்பகுதிகளில், இரவு, பகல் பாராமல், அடிக்கடி மின்வெட்டு ஏற்படுகிறது. இதனால் தறிகள் இயங்காமல், நுால் மற்றும் சேலை, துண்டுகள் நெய்ய முடியாத நிலை ஏற்பட்டுள்ளது. குழந்தைகள், முதியவர்கள் மின்சாரமின்றி அவதிப்படுகின்றனர்.