ஈரோடு, ஈரோடு, நஞ்சப்பா நகர் தேவர் மாரியம்மன் கோவில் பகுதியை சேர்ந்தவர் சரவணன். சமையல் வேலை செய்கிறார். இவரது, 16 வயது மகள் அரசு மேல்நிலை பள்ளியில் பிளஸ் 2 படிக்கிறார். கடந்த, 13 காலை பள்ளிக்கு சென்று வருவதாக கூறி வீட்டில் இருந்து கிளம்பியவர், இரவு வெகு நேரமாகியும் வீடு திரும்பவில்லை. பள்ளியில் விசாரித்த போது பள்ளிக்கு வரவில்லை என்பது தெரியவந்தது. தோழிகள், உறவினர் வீடுகளிலும் பெற்றோர் விசாரித்தனர். தகவல் இல்லாததால் ஈரோடு கருங்கல்பாளையம் போலீசில் புகார் அளிக்கப்பட்டுள்ளது.