கடந்த, 2023 அக்., 21ம் தேதி பழநி அருகே தொழில் ரீதியாக, ஒரு இடத்தை பார்வையிட, கலாவை நேரில் வருமாறு ஜெகதீஸ் அழைத்துள்ளார். இதை நம்பி நண்பர் கிருஷ்ணமூர்த்தி, 44, டிரைவர் கார்த்திக், 35, ஆகியோருடன் காரில், 5 லட்சம் ரூபாய் பணத்தை எடுத்துக்கொண்டு சென்றார்.

காங்கேயம் வழியாக கார் சென்றபோது, நள்ளிரவில் மற்றொரு காரில் வந்த கும்பல், கலா காரை மறித்தனர். மூவரையும் மிரட்டி கடத்தி சென்றனர். காங்கேயம் அருகே படியூரில் இந்தராணி என்பவரின் வீட்டில் ஒரு நாள் முழுதும் அடைத்து வைத்தனர்.

கலாவிடம் இருந்து, 5 லட்சம் ரூபாய், அவர் அணிந்திருந்த எட்டு பவுன் தங்கச் சங்கிலியை பறித்துக்கொண்டு, கொடுவாய் அருகே கண்களை கட்டி இறக்கி விட்டு சென்றனர். இதை யாரிடமும் சொல்லக்கூடாது என்று மிரட்டியுள்ளனர்.

வீட்டுக்கு சென்ற கலா உள்பட மூவரும், தங்களை கடத்தி பணம், நகை பறித்தைத யாரிடமும் சொல்லாமல் இருந்தனர். இந்நிலையில் தாய் கலாவின் நடவடிக்கையில் சந்தேகம் ஏற்பட்டு, அவரது மகன் கேட்டுள்ளார். அப்போது நடந்த சம்பவத்தை அவர் கூறியுள்ளார். இதையடுத்து கலா, அவரது மகன் காங்கேயம் போலீசில் புகாரளித்தனர். இதன்படி வழக்குப்பதிவு செய்த போலீசார், கடத்தல் கும்பலை தேடினர்.

இந்நிலையில் கடத்தல் தொடர்பாக சுதா, இந்திராணி, திருப்பூர் வீரபாண்டி கார்த்திகேயன், 35, திருப்பூர் பெருந்தொழுவு சந்தோஷ், 34, பாண்டிதுரை, 39, என ஐந்து பேரை, போலீசார் கைது செய்தனர். காங்கேயம் கோர்ட்டில் ஆஜர்படுத்தி, திருப்பூர் சிறையில் அடைத்தனர். கடத்தலில் தொடர்புடைய ஜெகதீஸ் உள்பட நான்கு பேரை தேடி வருவதாக, போலீசார் தெரிவித்தனர்.