கூட்டம் தொடங்கியதும் சாலை வசதி, குடிநீர் இணைப்பு, தெருவிளக்கு உள்ளிட்ட அடிப்படை வசதிகள் செய்து தரக்கோரி, பலமுறை கிராம சபை கூட்டங்களில் தெரிவித்தும் எந்த நடவடிக்-கையும் எடுக்கவில்லை. காவிலிபாளையம் குளத்தில், பறவைகள் சரணாலயம் அமைப்பதற்-காக மண் திட்டுகள் அமைக்க நடவடிக்கை எடுக்க வேண்டும் என்று தீர்மானம் நிறைவேற்ற வேண்டும் என பொதுமக்கள் தெரிவித்தனர்.

'குளம் பொதுப்பணித்துறை கட்டுப்பாட்டில் உள்-ளது. அது குறித்து எனக்கு தெரியாது; தீர்மானம் நிறைவேற்றவும் முடியாது' என, தலைவர் முருகன் தெரிவித்ததால் ஆவேசம் அடைந்த மக்கள் கூட்டத்தை புறக்கணித்து கோப்பம்பா-ளையம் பஸ் நிறுத்தம் முன் சாலை மறியலில் ஈடுபட்டனர். அப்போது, கிராம சபை கூட்டத்தில் கலந்து கொள்ளாத பொதுப்பணித்துறை அதிகா-ரிகளை கண்டித்தும், தீர்மானம் நிறைவேற்ற முடியாது என கூறிய தலைவர் முருகனை கண்-டித்தும் கோஷம் எழுப்பினர்.புன்செய்புளியம்பட்டி போலீசார் பேச்சுவார்த்தை நடத்தியும், சமாதானம் அடையாத மக்கள் அதி-காரிகள் இங்கு நேரடியாக வந்து பதில் சொல்ல வேண்டும் என்றனர். இதையடுத்து அங்கு வந்த பவானிசாகர் பி.டி.ஓ., விஜயலட்சுமி, கிராம சபை கூட்டத்தில் பொதுமக்களின் கோரிக்கைகள் தொடர்பாக நடவடிக்கை எடுக்கப்படும்; கோரிக்கை மனுக்கள் மீதான தீர்மானங்களும் நிறைவேற்றப்படும் என, உறுதியளித்ததை தொடர்ந்து மறியலை கைவிட்டு மக்கள் கலைந்து சென்றனர்.