ஈரோடு: ஈரோடு வ.உ.சி., பூங்காவில், அரசு அருங்காட்சியகம் அமைந்துள்ளது. அருங்காட்சியத்துறை சார்பில், தமிழகம் முழுவதுமாக பாம்பு படக்கண்காட்சி நடத்தப்படுகிறது. இதன்படி, ஈரோடு அருங்காட்சியகத்தில், கடந்த 28 முதல் ஆகஸ்ட் 4ம் தேதி வரையில் இக்கண்காட்சி நடக்கிறது.உலகில் 10 ஆயிரத்துக்கும் மேற்பட்ட வகையிலான பாம்பு இனங்கள் காணப்படுகிறது. இந்தியாவில் 1,200 வகையான பாம்பு இனங்கள் உள்ளதாக தகவல் தெரிவிக்கப்பட்டு உள்ளது. இந்த பாம்பு இனங்களை பற்றி தெரிந்து கொள்ள அருங்காட்சியகம் சார்பில், அரிய வகை பாம்புகளின் புகைப்படங்கள் கொண்ட கண்காட்சி நடத்தப்பட்டு வருகிறது.