இதில் ஜூடோ போட்டியில் ஈரோடு மாவட்டம் ஓடத்துறை அரசு மேல்நிலைப்பள்ளியை சேர்ந்த, 20 மாணவ, மாணவியர் கலந்து கொண்டனர். பிளஸ் 2 மாணவன் பரணி, 81 கிலோ எடை பிரிவில் முதலிடம் பிடித்தார். இதன் மூலம் தேசிய ஜூடோ போட்டியில் விளையாட தகுதி பெற்றார். எட்டாம் வகுப்பு மாணவி தாரிகா, 14 வயதுக்கு உட்பட்ட பிரிவில் இரண்டாமிடமும், பிளஸ் 1 மாணவன் கனிஷ்க், 19 வயதுக்கு உட்பட்ட பிரிவில் மூன்றாமிடமும் பிடித்தனர். வெற்றி பெற்ற மாணவ, மாணவியர், உடற்கல்வி ஆசிரியைகள் கிருஷ்ணவேணி, புஷ்பவதி, பள்ளி தலைமையாசிரியர் பிரகாசம் ஆகியோரை, ஈரோடு மாவட்ட முதன்மை கல்வி அலுவலர் மான்விழி பாராட்டினார்.