ஈரோடு, காந்தி ஜெயந்தி, முன்னாள் பிரதமர் லால்பகதுார் சாஸ்திரி பிறந்த நாள், முன்னாள் முதல்வர் காமராஜர் நினைவு நாளை ஈரோட்டில் காங்., கட்சியினர் நேற்று கொண்டாடினர்.இதன்படி அரசு மருத்துவமனை ரவுண்டானாவில் உள்ள காமராஜர் சிலை, மாநகராட்சி அலுவலக வளாகத்தில் உள்ள காந்தி சிலை, மூலப்பட்டறையில் காங்., கட்சி அலுவலகத்தில், முன்னாள் பிரதமர் லால் பகதுார் சாஸ்திரி, காந்தி, காமராஜர் படங்களுக்கு மரியாதை செலுத்தினர். இதில் மாநகர் மாவட்ட தலைவர் திருச்செல்வம் தலைமையில், மகிளா காங்., தலைவி ஞானதீபம், மண்டல தலைவர் ஜாபர் சாதிக், நிர்வாகிகள் பாஷா, அர்ஷத், விஜய்கண்ணா உட்பட பலர் பங்கேற்றனர்.