குத்தியாலத்துார் பஞ்., உகினியம் கிராமத்தில், 125க்கும் மேற்பட்ட ஊராளி பழங்குடியின குடும்பங்கள் உள்ளன. இக்கிராமம் வன செட்டில்மென்ட் கிராமம். இக்கிராமத்தில் இருந்து, 4 கி.மீ., துாரத்தில் கரளயம் கிராமம் உள்ளது. இக்கிராம மக்கள் தங்கள் கல்வி, மருத்துவம் என அனைத்துக்கும், கரளயம் செல்ல வேண்டும்.

ஆனால் கரளயம் செல்ல தார்சாலையை அடைய, அடர்ந்த வனப்பகுதி, ஆபத்தான பகுதியை கடந்து, 4 கி.மீ., துாரம் நடந்து செல்ல வேண்டும். இந்த இணைப்பு சாலை தார்ச்சாலையாக இருந்தது. தற்போது சேதமாகி டூவீலர்கள் கூட செல்ல முடியாதபடி உள்ளது. எனவே உகினியம் - கரளயம் செல்லும், 4 கி.மீ., வனச்சாலையை புதுப்பித்து, கரளயம் வழியாக செல்லும் அரசு பஸ்களை உகினியம் வரை நீட்டிப்பு செய்ய வேண்டும். இவ்வாறு கூறினர்.