பஸ் நிலையத்தை கடந்து பெருந்துறை மற்றும் வெள்ளோடு ரோடு வழியாக செல்லும் வாகனங்கள், தெற்கு மற்றும் மேற்கு ராஜவீதி வழியாக குமரன் சதுக்கம் வழியாக செல்லும் வகையில் ஒரு வழிப்பாதையாக உள்ளது. அதேபோல் குமரன் சதுக்கம் வழியாக பஸ் நிலையம் நோக்கி செல்லும் வாகனங்கள், வடக்கு மற்றும் கிழக்கு ராஜவீதி வழியாக செல்கின்றன.

ஆனால், சென்னிமலையில் மலை மீதுள்ள சுப்ரமணிய சுவாமி கோவிலுக்கு கார்களில் வரும் பக்தர்கள், வடக்கு மற்றும் தெற்கு ராஜவீதி வழியாக பார்க் ரோடு வழியாக செல்லாமல், குமரன் சதுக்கத்திலிருந்து ஒரு வழிப்பாதையாக உள்ள மேற்கு ராஜவீதி வழியாக நுழைகின்றனர். இதனால் மேற்கு ராஜவீதி வழியாக வடக்கு நோக்கி வரும் வாகனங்கள் ஸ்தம்பித்து நிற்கின்றன. குறிப்பாக செவ்வாய் மற்றும் விசேஷ நாட்களில் மேற்கு ராஜவீதியில் கடும் போக்குவரத்து நெருக்கடி ஏற்படுகிறது. இதற்கு சென்னிமலை போலீசார் உரிய தீர்வு காண, உள்ளூர் வாகன ஓட்டிகள், கோரிக்கை விடுத்துள்ளனர்.