தெரிவித்தார்.

ஈரோடு கலெக்டர் கந்த

சாமி தலைமையில், வேளாண் குறைதீர் கூட்டம் நேற்று நடந்தது. கூட்டத்தில் நடந்த விவாதம் வருமாறு:

தமிழக விவசாயிகள் சங்க மாவட்ட செயலர் பெரியசாமி: நகரம், கிராமங்களில் நாய்கள் அதிகரிக்க பல காரணம் உண்டு. இறைச்சி கழிவு, ேஹாட்டல் கழிவை ரோட்டோரம் கொட்டுவதால் அதிகரிக்கிறது.

கால்நடை துறை அதிகாரி: ஈரோடு மாவட்டத்தில் மூன்று இடங்களில் இனப்பெருக்க கட்டுப்பாட்டு மையம் விரைவில் துவங்க உள்ளோம். ஜன. 26 முதல் அக்., 30 வரை, நாய்க்கடி தொடர்பாக, 36 லட்சம் ரூபாய் இழப்பீடு அரசிடம் கோரி உள்ளோம்.

பவானி ஆறு, தடப்பள்ளி- அரக்கன்கோட்டை பாசன சபை தலைவர் சுபி தளபதி: வேளாண் கூட்டத்தில் தெரிவிக்கப்படும், மனுவாக வழங்கப்படும் நியாயமான, நேர்மையான கோரிக்கைக்கு கூட 'பரிசீலிக்கப்படுகிறது' என்று மட்டுமே அதிகாரிகள் பதில் தருகின்றனர். எத்தனை மாதம் ஆனாலும் நடவடிக்கை இல்லை. எங்கள் அதிருப்தியை தெரிவிக்கும் வகையில், புதிய கோரிக்கை

தெரிவிக்கவில்லை எனக்கூறி வெளியேறினார்.

கலெக்டர்: பெறப்படும் மனு, கோரிக்கை குறித்து அனைத்து துறை அதிகாரிகளும் உடனுக்குடன் நடவடிக்கை எடுத்து அடுத்த கூட்டத்தில் தெரிவிக்க வேண்டும். 15 நாட்களுக்கு ஒரு முறை மனு நடவடிக்கை பற்றி ஆய்வு செய்யப்படும்.

தமிழ்நாடு சிறு, குறு விவசாயிகள் சங்க தலைவர் சுதந்திரராசு: கீழ்பவானி வாய்க்கால், இரண்டா2ம் போகத்துக்கு ஜன.,7 க்குள் தண்ணீர் திறந்து ஏப்., 30 வரை தடையின்றி நீர் விட வேண்டும். விவசாயிகள் தயாராக டிச.,ல் அறிவிப்பும் வெளியிட வேண்டும்.

நீர் வளத்துறை செயற்

பொறியாளர் திருமூர்த்தி: கீழ்பவானியில் ஜன., முதல் வாரம் தண்ணீர் திறக்க அரசுக்கு பரிந்துரைக்கப்படும். டிச., மாதம் விவசாயிகளுக்கு அறிவிக்கப்படும்.

தமிழ்நாடு விவசாயிகள் சங்க மாநில துணை தலைவர் துளசிமணி: கீழ்பவானியில் டிச.,ல் நெல் அறுவடை துவங்கும். கடந்தாண்டு போல, 39 நேரடி நெல் கொள்முதல் நிலையங்கள் திறக்க வேண்டும்.

நுகர்பொருள் வாணிப கழக அதிகாரி: கீழ்பவானியில் நெல் அறுவடை துவங்கியதும், நெல் கொள்முதல் நிலையம் திறக்கப்படும். குளூர், அஞ்சூரில் கொள்முதல் நிலையத்துக்கு சொந்த கட்டடம் தலா, 35 லட்சம் ரூபாய் மதிப்பில் கட்டப்படுகிறது.

இவ்வாறு விவாதம் நடந்தது.