ஈரோடு;ஈரோட்டில் மேம்பாலம், 80 அடி சாலை பயன்பாடு, சாலை விரிவாக்கம் தொடர்பான கோரிக்கை வலுப்பெற்று வருகிறது. இதில் காளைமாட்டு சிலையில் இருந்து மூலப்பாளையம் வரை உயர்மட்ட மேம்பாலம் அமைக்கும் திட்டத்துக்கு, மத்திய அரசின் உத்தரவு பெறப்பட்டுள்ளது. மேம்பாலம் அமைந்தால் பூந்துறை சாலையில் போக்குவரத்து நெரிசல் குறையும். இதேபோல் ஈரோடு-சென்னிமலை சாலையில் டீசல் ஷெட் வரை ரயில்வேக்கு சொந்தமான, 20 அடி அகலத்தை சாலை விரிவாக்க பணிக்கு ரயில்வே நிர்வாகம் அளிக்க வேண்டும். மேலும் 80 அடி சாலை திட்டத்தை நடைமுறைப்படுத்தி, மாநகர போக்குவரத்து நெரிசலை குறைக்க, மக்கள் மற்றும் வர்த்தகர்கள் தொடர்ந்து வலியுறுத்தி வருகின்றனர்.