அந்தியூர்;வெள்ளித்திருப்பூர் அடுத்த ஒலகடத்தில், இந்து சமய அறநிலையத்துறைக்கு சொந்தமான ராஜ ராஜேஸ்வரி சொக்கநாச்சி அம்மன் கோவில் உள்ளது. பூசாரியாக செந்தில் உள்ளார். நேற்று காலை வழக்கம்போல் பூசாரி கோவிலுக்கு வந்தார். கோவில் கதவின் பூட்டு உடைக்கப்பட்டிருந்தது. வெள்ளித்திருப்பூர் போலீசார் ஆய்வில், அம்மன் கழுத்தில் இருந்த இரண்டு பவுன் மதிப்பிலான மூன்று தாலிக்கொடி திருட்டு போனது தெரிய வந்தது. உண்டியலும் உடைக்கப்பட்டு திறந்து கிடந்தது. உண்டியலில், 13 ஆயிரம் ரூபாய் அளவுக்கு பணம் இருந்திருக்கலாம் என புகாரில் தெரிவிக்கப்பட்டுள்ளது. வெள்ளித்திருப்பூர் போலீசார் கைவரிசை காட்டிய ஆசாமிகளை தேடி வருகின்றனர்.