இதுபற்றி, கலெக்டர் கந்தசாமி வெளியிட்ட செய்திக்குறிப்பில் கூறியதாவது: ஈரோடு மாவட்டத்தில் கடந்த நவ., 4 முதல் டிச., 16 வரை வாக்காளர் பட்டியல் சிறப்பு தீவிர திருத்தப்பணி செய்து, கடந்த, 19 ல் வரைவு வாக்காளர் பட்டியல் வெளியிடப்பட்டது. கடந்த அக்., 27ல் மாவட்டத்தின், 8 தொகுதியில், 19 லட்சத்து, 97,189 வாக்காளர்கள் இருந்தனர். வரைவு வாக்காளர் பட்டியல்-படி, 16 லட்சத்து, 71,760 வாக்காளர்கள் இடம் பெற்றனர்.இடம் பெறாதோர், படிவம்-6, உறுதிமொழி படிவத்தை பூர்த்தி செய்து, தேர்தல் ஆணையம் அறிவித்த, 13 ஆதார ஆவணங்களில் ஒன்றை இணைத்து, பட்டியலில் சேர்த்து கொள்ளலாம். வரும் ஜன., 1 அன்று, 18 வயது பூர்த்தி அடைய உள்ளோரும், படிவம்-6, உறுதிமொழி படிவம் அளித்து இணையலாம்.

வரைவு வாக்காளர் பட்டியலில் பெயர் நீக்கம் செய்ய படிவம்-7, பெயர் திருத்தம், முகவரி மாற்றம், மொபைல் எண் இணைப்பு, போட்டோ மாற்றம், பாக மாற்றம் செய்ய படிவம்-8 வழங்க வேண்டும். இதுபோன்ற படிவத்தை அந்தந்த பகுதி பி.எல்.ஓ.,விடமே வழங்கலாம். தங்கள் பெயர் வாக்காளர் பட்டி-யலில் உள்ளதை உறுதி செய்ய, 1950 என்ற எண்ணுக்கு எஸ்.எம்.எஸ்., அல்லது, https://voter.eci.gov.in என்ற இணைய தள முகவரியிலும், அப்பகுதி பி.எல்.ஓ.,விடமும் அறியலாம்.

இப்பணிக்காக வரும், 27, 28ல் மாவட்டத்தில் உள்ள, 2,379 ஓட்டுச்சாவடிகளிலும் சிறப்பு முகாம் நடக்க உள்ளது. அங்கும், பெயர் சேர்த்தலுக்கான Voters.eci.gov.in என்ற இணைய தளம், Vogers Helpline என்ற மொபைல் செயலி மூலமும் விண்ணப்பிக்-கலாம்.

கூடுதல் விபரம், சந்தேகத்துக்கு, மாவட்ட இலவச தொடர்பு மையம்-1950, மாவட்ட உதவிமைய எண் (வாட்ஸ் ஆப்)-90425 80535, ஈரோடு கிழக்கு தொகுதி-0424 2251618, ஈரோடு மேற்கு-0424 2254224, மொடக்குறிச்சி-0424 2500123, பெருந்-துறை-04294 220577, பவானி-04256 230334, அந்தியூர்-04256 260100, கோபி-04285 222043, பவானிசாகர்-04295 220383 என்ற எண்களில் அறியலாம்.

இவ்வாறு கூறியுள்ளார்.