ஈரோடு: ஈரோடு பெரிய மாரியம்மன் வகையறா கோவில்களான பெரிய மாரியம்மன், சின்ன மாரியம்மன், காரை வாய்க்கால் மாரியம்மன் கோவில்களில் நடப்பாண்டு குண்டம் விழாவில், நேற்று முன்தினம் இரவு மூன்று கோவில்களிலும் ஒரு சேர கம்பம் நடப்பட்டது. இதை தொடர்ந்து நேற்று அதிகாலை முதல் மூன்று கோவில்களிலும், பெண்கள் ஏராளமானோர் கம்பத்துக்கு புனித நீர் ஊற்றியும், பால் ஊற்றியும் வழிபட தொடங்கியுள்ளனர். இதில்லாமல் ஏராளமானோர் அலகு குத்தி கோவிலுக்கு வந்தனர். நேற்று விடுமுறை என்பதால் பக்தர்கள் கூட்டம் அலைமோதியது.