ரிஷிவந்தியம் தொகுதி வசந்தம் கார்த்திகேயன் எம்.எல்.ஏ., ஏற்பாட்டில் வாணாபுரத்தில் இலவச மருத்துவ பரிசோதனை முகாம் நேற்று நடந்தது. தி.மு.க., மாவட்ட துணைச்செயலாளர் அண்ணாதுரை, ரிஷிவந்தியம் வடக்கு ஒன்றிய செயலாளர் துரைமுருகன் முகாமினை துவங்கி வைத்தனர். திருவண்ணாமலையை சேர்ந்த தனியார் மருத்துவமனை டாக்டர்கள், சிறப்பு நரம்பியல் மற்றும் தண்டுவடம் தொடர்பான நோய்களுக்கு மருத்துவ பரிசோதனை செய்தனர்.

இதில் பங்கேற்ற 331 பொதுமக்களுக்கு பரிசோதனை செய்து மருந்து, மாத்திரைகள் மற்றும் ஆலோசனைகள் வழங்கினர்.

81 பேர் மேல்சிகிச்சைக்காக பரிந்துரை செய்யப்பட்டனர். நிகழ்ச்சியில் கட்சி நிர்வாகிகள் பலர் கலந்து கொண்டனர்.