சின்னசேலம் அடுத்த நாகக்குப்பம் கிராமத்தை சேர்ந்தவர் வெங்கடேசன், 45; விவசாயி. இவர், நேற்று முன்தினம் மாலை 6:00 மணியளவில் தனக்கு சொந்தமான விவசாய நிலத்தில் உள்ள தென்னை மரத்தில் ஏறி தேங்காய் பறித்தார். அப்போது நிலை தடுமாறி மரத்தின் மீது இருந்து தவறி கீழே விழுந்தார். இதில் அவர், சம்பவ இடத்திலேயே இறந்தார்.

இது குறித்த புகாரில் சின்னசேலம் போலீசார் வழக்கு பதிந்து விசாரித்து வருகின்றனர்.