கள்ளக்குறிச்சி: கள்ளக்குறிச்சி கலெக்டர் அலுவலகம் முன்பு தமிழ்நாடு தோட்டக்கலை அலுவலர்கள் நலச்சங்கம் மற்றும் தமிழ்நாடு உதவி தோட்டக்கலை அலுவலர்கள் சங்கம் சார்பில் கவன ஈர்ப்பு ஆர்ப்பாட்டம் நடந்தது. கள்ளக்குறிச்சி தோட்டக்கலைத்துறை உதவி இயக்குனர் முருகன் தலைமை தாங்கினார். தோட்டக்கலைத்துறை உதவி இயக்குனர்கள் சங்கராபுரம் முருகன், வெள்ளிமலை சத்யராஜ் ஆகியோர் கண்டன உரையாற்றினார். மாவட்டத்தில் உள்ள 9 வட்டங்களை சேர்ந்த தோட்டக்கலைத் துறை உதவி இயக்குனர்கள், அலுவலர்கள், உதவி தோட்டக்கலை அலுவலர்கள் உள்பட பலர் பங்கேற்றனர்.