திருக்கோவிலுார் ஆஸ்பிட்டல் ரோட்டில் உள்ள பழமை வாய்ந்த பாலசுப்பிரமணியர் கோவிலில் கடந்த 22ம் தேதி கந்த சஷ்டி விழா துவங்கியது. விழாவின் 7ம் நாளான நேற்று சூரசம்கார வைபவம் நடந்தது. காலை 10:00 மணிக்கு வள்ளிதேவ சேனா சமேத சுப்பிரமணிய சுவாமிக்கு மகா அபிஷேகம், சிறப்பு அலங்காரம், தீபாராதனை நடந்தது.

மாலை 5:20 மணிக்கு உற்சவர் வள்ளி தேவசேனா சமேத சுப்பிரமணியர் சிறப்பு அலங்காரத்தில் எழுந்தருளி கீழையூரை வலம் வந்து, வேல் வாங்கி, கோவில் வளாகத்தில் சூரபத்மனை சம்காரம் செய்யும் வைபவம் நடந்தது. இதில் ஏராளமான பக்தர்கள் கலந்து கொண்டு சுவாமி தரிசனம் செய்தனர்.