கலெக்டர் பிரசாந்த் வெளி யிட்டுள்ள செய்திக்குறிப்பு:

கள்ளக்குறிச்சி மாவட்டத்தில் உள்ள 9 வட்டாரங்களிலும் 3 முகாம் வீதம் 27 நலம் காக்கும் ஸ்டாலின் முகாம்கள் நடக்க உள்ளது. இத்திட்டத்தின் 2வது முகாம் தியாகதுருகம் அரசு ஆண்கள் மேல்நிலைப்பள்ளியில் இன்று 9ம் தேதி நடக்கிறது.

முகாமில் பொது மருத்துவம், இதயம், எலும்பு, நரம்பியல், தோல், மகப்பேறு, குழந்தைகள், நுரையீரல், அறுவை சிகிச்சை, கண், காது மூக்கு தொண்டை, மனநலம், பல், சித்தா, இயன்முறை சிகிச்சை, கதிர் இயக்க சிகிச்சை, சர்க் கரை நோய் மருத்துவம் உள்ளிட்ட 17 வகையான சிறப்பு டாக்டர்கள் பங்கேற்று சிகிச்சை அளிக்க உள்ளனர். முகாமில் பங்கேற்கும் அனைவருக்கும் ரத்த பரி சோதனை, இ.சி.ஜி உள்ளிட்ட பரிசோதனைகள் இலவசமாக செய்யப்படும்.

டாக்டர்கள் பரிந்துரைக்கும் நபர்களுக்கு எக்கோகார்டியோகிராம், எக்ஸ்ரே, அல்ட்ராசவுண்ட் ஸ்கேன், பெண்களுக்கான கர்ப்பப்பை வாய் மற்றும் மார்பக புற்றுநோய் பரிசோதனைகள் மேற்கொள்ளப்படும். முதல்வரின் மருத்துவக் காப்பீட்டு அட்டை மற்றும் மாற்றுத் திறனாளிகளுக்கான மருத்துவ சான்றிதழ்களும் வழங்க ஏற்பாடு செய்யப்பட்டுள் ளது.