கள்ளக்குறிச்சி ஏமப்பேர் பகுதியில் கஞ்சா விற்பனை நடப்பதாக போலீசாருக்கு ரகசிய தகவல் கிடைத்தது. அதன்பேரில், சப் இன்ஸ்பெக்டர் விஜயராகவன் மற்றும் போலீசார் நேற்று சோதனை மேற்கொண்டனர். அப்போது, ஏமப்பேரை சேர்ந்த பார்த்திபன் மகன் மகேந்திரன், 27; செல்லன் மகன் முனியன், 24; ஆகிய இருவரும் கஞ்சா விற்பனை செய்தது தெரிந்தது. போலீசார் இருவரையும் கைது செய்து, 210 கிராம் கஞ்சா மற்றும் ரூ.15,500 பணத்தையும் பறிமுதல் செய்தனர். மேலும், பிச்சமுத்து மகன் வின்சென்ட் என்பவர் மீது வழக்கு பதிந்து, தேடி வருகின்றனர்.