வாகன போக்குவரத்தும், பொதுமக்கள் நடமாட்டமும் நிறைந்த இச்சாலையில் பூங்கா அருகில், சாலையோரம் மண் அரிப்பு ஏற்பட்டு பெரிய பள்ளம் ஏற்பட்டுள்ளது.

இதனால், வேகமாக செல்லும் இருசக்கர வாகன ஓட்டிகள் சாலையில் பள்ளம் உள்ள இடத்தில், திடீரென வேகத்தை குறைக்கும்போது பின்னால் வரும் வாகனங்கள் மோதியும், பள்ளத்தில் இறங்கும்போது, நிலைதடுமாறி விழுந்தும் விபத்தில் சிக்குகின்றனர்.

எனவே, அண்ணா பூங்கா அமைந்துள்ள சாலையில் உள்ள பள்ளதை ‛பேட்ச் ஒர்க்' பணியாக சீரமைக்க, மாநகராட்சி நிர்வாகம் நடவடிக்கை எடுக்க வேண்டும் என, வாகன ஓட்டிகள் வலியுறுத்தி உள்ளனர்.