புனரமைப்பு பணிகள் முடிந்து இரு மாதங்களுக்கு மேலாகியும், நுாலகம் திறக்கப்பட்டு பயன்பாட்டிற்கு கொண்டு வரப்படவில்லை. இதனால், கிராமத்தினர் தினசரி நாளிதழ் வாயிலாக நாட்டு நடப்புகளை தெரிந்து கொள்ள முடியாத நிலை உள்ளது.

அதேபோல, பள்ளி, கல்லுரி மாணவ- - மாணவியர் விடுமுறை நாட்களில் பொது அறிவை வளர்த்துக் கொள்ளவும், அரசு போட்டித் தேர்வு எழுதும் தேர்வர்கள், தேர்வுக்கு தேவையான முக்கிய குறிப்பு எடுக்க முடியாத சூழல் உள்ளது.

எனவே, மூடிக் கிடக்கும் நுாலகத்தை திறந்து பயன்பாட்டிற்கு கொண்டு வர வேண்டும் என, விச்சந்தாங்கல் கிராமத்தினர் வலியுறுத்தி உள்ளனர்.

இதுகுறித்து ஊரக வளர்ச்சி ஊராட்சி துறை அலுவலர் ஒருவர் கூறியதாவது:

விச்சந்தாங்கல் நுாலகத்தை பராமரிக்க மகளிர் குழுவைச் சேர்ந்த ஒருவர், கடந்த 1ம் தேதி நியமிக்கப்பட்டுள்ளார். மஹாத்மா காந்தி தேசிய ஊரக வேலை உறுதியளிப்பு திட்ட பணியாளர்கள் வாயிலாக நுாலகம் முழுதும் சுத்தப்படுத்தப்பட்டு, இன்று முதல் நுாலகம் செயல்படும்.

இவ்வாறு அவர் கூறினார்.