காஞ்சிபுரம் தெற்கு மாவட்ட த.மா.கா., தலைவர் மலையூர் புருஷோத்தமன் தலைமை வகித்தார். சென்னை மண்டல விவசாய அணி தலைவர் பாபு முன்னிலை வகித்தார்.

இதில், சிறப்பு விருந்தினராக பங்கேற்ற த.மா.கா., தலைவர் ஜி.கே.வாசன், பாரம்பரிய விவசாயிகளுக்கு பசுமை காப்பாளர் விருது மற்றும் கேடயம் வழங்கினார்.

மேலும், விவசாயிகளுக்கான வேளாண் உபகரணங்கள், விழாவில் பங்கேற்றவர்களுக்கு தென்னங்கன்று மற்றும் பல்வேறு நலத்திட்ட உதவி வழங்கி சிறப்புரையாற்றினார்.

முன்னதாக விஷார் தாமரை குளக்கரையில் 1,000 பனை விதைகளையும், விவசாய நிலத்தில் விவசாயிகளுடன் இணைந்து நெல் நாற்று நடவு செய்தார்.

விழாவில், மாநில இளைஞர் அணி பொது செயலர் சங்கர், காஞ்சி புரம் மாநகராட்சி கவுன்சிலர் மவுலி சசிகுமார், கீழ் ஒட்டிவாக்கம் ஊராட்சி துணைத் தலைவர் யுவகுமார், மாணவர் அணி தலைவர் யுவராஜ் உள்ளிட்டோர் விழாவில் பங்கேற்றனர்.

விஷார் ஊராட்சி தலைவர் கார்த்தி வரவேற்றார். நகர தலைவர் சுகுமார் நன்றி கூறினார். விழாவிற்கான ஏற்பாட்டை காஞ்சிபுரம் தெற்கு மாவட்ட த.மா.கா., மற்றும் சென்னை மண்டல விவசாய அணியினர் செய்திருந்தானர்.