நேற்று முன்தினம் மாலை மேய்ச்சல் முடிந்து, இரவு வழக்கம் போல் ஆடுகளை கொட்டகையில் அடைத்து வைத்து உள்ளனர்.

நேற்று, ஆடுகளை மேய்ச்சலுக்கு ஓட்டிச் செல்வதற்காக வந்த போது, 20 ஆடுகள் இறந்து கிடந்தன. 10க்கும் மேற்பட்ட ஆடுகள், கடிபட்ட காயத்துடன் நடக்க முடியாமல் உள்ளன.

நெல்வாய் கால்நடை மருத்துவர்கள் சம்பவ இடத்திற்கு சென்று, காயமடைந்த ஆடுகளுக்கு சிகிச்சை அளித்தனர். இறந்த ஆடுகளை பரிசோதித்தனர்.

விசாரணையில் இரவு நேரத்தில் கொட்டகைக்குள் புகுந்த தெருநாய்கள், ஆடுகளை கழுத்து மற்றும் வயிறு உள்ளிட்ட பகுதிகளில் கடித்துக் குதறியுள்ளதாக தெரியவந்துள்ளது.