உத்திரமேரூர் தாலுகா, புலிவாய் கிராமத்தில் ஈஸ்வரன் கோவில் தெருவில் வசித்து வருபவர் சேகர், 65; கொத்தனார். இவர் நேற்று முன்தினம் இரவு குடும்பத்தினருடன், வீட்டு வாசலில் படுத்து துாங்கியுள்ளார்.

அப்போது, வீட்டின் முன்பக்க வாசல் கதவை திறந்து வைத்து துாங்கியதாக கூறப்படுகிறது. இதையடுத்து, சேகர் நேற்று, காலை 6:00 மணிக்கு வீட்டிற்குள் சென்று பார்த்தபோது, பீரோ கதவு உடைக்கப்பட்டு இருந்தது.

பின், அதிலிருந்த 8 சவரன் நகைகளை மர்ம நபர்கள் திருடி சென்றது தெரிந்தது. இது குறித்து புகாரின் பேரில் மாகரல் போலீசார் வழக்கு பதிந்து விசாரிக்கின்றனர்.