கட்டுமானப்பணிக்காக லாரிகளில் எடுத்துச்சென்ற எம்.சாண்ட் மணல் சிதறி, இப்பாலத்தின் சாலையோரம் குவியலாக உள்ளது. இதனால், இச்சாலையில் செல்லும் இருசக்கர வாகன ஓட்டிகள் கனரக வாகனங்களுக்கு வழிவிட சாலையோரம் ஒதுங்கும் மணல் குவியலில் சிக்கி விபத்தில் சிக்குகின்றனர்.

எனவே, விபத்தை தவிர்க்கும் வகையில், ஓரிக்கை பாலாறு மேம்பால சாலையோரம், போக்குவரத்துக்கு இடையூறாக குவிந்துள்ள எம்.சாண்ட் மணல் குவியலை அகற்ற நெடுஞ்சாலைத்துறையினர் நடவடிக்கை எடுக்க வேண்டும் என, வாகன ஓட்டிகள் வலியுறுத்தி உள்ளனர்.