வாலாஜாபாத் ஒன்றியம், பழையசீவரத்தில் உள்ள ஓம் சப்த ஈஸ்வரி கோவிலில், ஆடி திருவிழா கடந்த வெள்ளி அன்று காப்பு கட்டுதல் நிகழ்ச்சியுடன் துவங்கியது. நேற்று, காலை 7:00 மணிக்கு ஈஸ்வரி அம்மனுக்கு சிறப்பு அபிஷேகம் நடந்தது. அதை தொடர்ந்து, காலை 10:00 மணிக்கு, பெண்கள் பால்குடம் எடுத்து ஊர்வலமாக வந்து அம்மனுக்கு பாலாபிஷேகம் செய்தனர்.

மதியம் 2:00 மணிக்கு, பாலாற்றில் கங்கை திரட்டி அங்கிருந்து கோவிலை வந்தடைந்து கூழ்வார்த்தல் விழா நடைபெற்றது. இரவு 7:00 மணிக்கு மலர் அலங்காரத்தில் அம்மன் வீதியுலா நிகழ்ச்சி நடைபெற்றது.