குன்றத்துார் முருகன் கோவில் மற்றும் இதன் உப கோவில்களான கந்தழீஸ்வரர் கோவில், திருவூரக பெருமாள் கோவில் ஆகிய மூன்று கோவில்களில் உள்ள 14 உண்டியல்கள் எண்ணும் பணி, குன்றத்துார் முருகன் கோவில் வளாகத்தில் ஹிந்து சமய அறநிலையத் துறை அதிகாரிகள், அறங்காவலர்கள் முன்னிலையில் நேற்று நடந்தது.

பக்தர்கள் மற்றும் கோவில் பணியாளர்கள் உண்டியல் காணிக்கை எண்ணும் பணியில் ஈடுபட்டனர். இதில், பக்தர்கள் காணிக்கையாக செலுத்திய 64.31 லட்சம் ரூபாய் ரொக்கம், 91.5 கிராம் தங்கம், 2,711 கிராம் வெள்ளி பெறப்பட்டது.