இந்த சாலையோரம் கம்பங்களின் வழியே செல்லும் மின்கம்பிகள் மிகவும் தாழ்வாக, கைக்கு எட்டும் உயரத்தில் உள்ளது. இதனால், அறுவடைக்கு பின் வைக்கோல் கட்டுகளை ஏற்றி செல்லும் டிராக்டர், எதிர்பாரத விதமாக மின்கம்பிகள் மீது உரசும் போது, மின் விபத்து ஏற்படும் அபாயம் உள்ளது.

அதேபோல், இவ்வழியாக செல்லும் பள்ளி வாகனங்கள், எதிரே வரும் வாகனங்களுக்கு வழிவிட ஒதுங்கும் போது, மின்கம்பிகள் மீது உரசி, விபத்தில் சிக்கும் அச்சத்தில் சென்று வருகின்றன.

எனவே, அசம்பாவிதம் ஏற்படும் முன், தாழ்வாக செல்லும் மின்கம்பிகளை உயர்த்தி அமைக்க, மின்வாரிய அதிகாரிகள் நடவடிக்கை எடுக்க வேண்டுமென, அப்பகுதி வாசிகள் கோரிக்கை விடுத்துள்ளனர்.