அப்பகுதிவாசிகள் சுகாதார வளாகத்தை பயன்படுத்தி வந்தனர். இந்நிலையில், ஒருங்கிணைந்த சுகாதார வளாகத்திற்கு தேவையான தண்ணீரை பூர்த்தி செய்வதற்காக ஆழ்துளை குழாயில் பொருத்தப்பட்டு இருந்த நீர்மூழ்கி மின்மோட்டார் கடந்த 10 ஆண்டுகளுக்கு முன் பழுதடைந்தது.

பழுதடைந்த மின்மோட்டாரை சீரமைக்க அப்பகுதிவாசிகள் மாநகராட்சி நிர்வாகத்திடம் பல முறை புகார் தெரிவித்தும் மின்மோட்டார் சீரமைக்கப்படவில்லை. இதனால், ஒருங்கிணைந்த சுகாதார வளாகம் புதர்மண்டி வீணாகி வருகிறது.

எனவே, லட்சகணக்கான ரூபாய் செலவில் கட்டப்பட்டு வீணாகும் சுகாதார வளாகத்தை சீரமைத்து பயன்பாட்டிற்கு கொண்டு வருவதோடு, முறையாக பராமரிக்க மாநகராட்சி நிர்வாகம் நடவடிக்கை எடுக்க வேண்டும் என, நேதாஜி நகர் வாசிகள் வலியுறுத்தி உள்ளனர்.