கோவை மாவட்டம் ரெங்கநாயகி தெரு தெற்கு பாளையத்தைச் சேர்ந்த ஆக்ஸிடி எஸ் தர்ஷினி ஆசாரிப்பள்ளம் மருத்துவக் கல்லூரி மருத்துவமனையில் உதவி பேராசிரியையாக பணிபுரிந்து வருகிறார். மருத்துவமனை வளாகத்தில் உள்ள டாக்டர்கள் குடியிருப்பில் வசித்து வருகிறார். இவர் அக்., 30 ல் கோவை சென்றார்.

நேற்று காலை இவரது வீட்டு கதவு உடைக்கப்பட்டு இருப்பதை அதே குடியிருப்பில் வசிக்கும் டாக்டர் ரஜினிஷ் சிங் கவனித்து அவருக்கு தகவல் கொடுத்துள்ளார்.

இதைத்தொடர்ந்து ஆக்சிடி எஸ் தர்ஷினி கல்லூரிக்கு திரும்பினார். வீட்டின் உள்ளே சென்று பார்த்தபோது இரும்பு பீரோ உடைக்கப்பட்டு அதிலிருந்த 57 பவுன் நகைகள் கொள்ளையடிக்கப்பட்டிருந்தன. இதுகுறித்து அவர் ஆசாரிப்பள்ளம் போலீசில் புகார் செய்தார்.

போலீசார் இக் கொள்ளையில் ஈடு பட்டவர்களை தேடி வருகின்றனர்.