குளித்தலை: குளித்தலை அடுத்த தோகைமலை பஞ்., வெள்ளப்பட்டியில், மஹா மாரியம்மன் கோவில் அமைந்துள்ளது. இக்கோவிலில் ஆண்டுதோறும், திருவிளக்கு பூஜை நடைபெறும். அதன்படி, இந்தாண்டு, விவசாயம் செழிக்க பருவ மழை வேண்டி, 20ம் ஆண்டு திருவிளக்கு பூஜை, நேற்று முன்தினம் நடந்தது. இதில் பூஜைக்கு வந்த பெண்கள், ஐந்துமுக பித்தளை குத்துவிளக்கு-களை கொண்டு வந்திருந்தனர். பூஜை பொருட்கள் அனைத்தும் விழாக்குழுவினர்களால் வழங்கப்பட்டு, நான்கு கட்டமாக பூஜை நடத்தினர்.