கரூர்: கரூர் மாவட்ட நிர்வாகம் மற்றும் மாசு கட்டுப்பாடு வாரியம் சார்பில், கல்குவாரி தொடர்பான கருத்து கேட்பு கூட்டம், க.பரமத்தி அருகே பவித்திரத்தில், நேற்று நடந்தது. அதில், புன்னம் கிராமத்தில் கல்குவாரி மற்றும் கிராவல் குவாரி அமைப்பது குறித்து, அரசு துறை அதிகாரிகள் விளக்கமளித்தனர். பிறகு, கல் குவாரி அமைக்கும் பட்சத்தில் வேலைவாய்ப்பு கிடைக்கும் எனவும், அரசு நிர்ணயம் செய்யும் அளவை தாண்டி, குவாரிகளில் கற்களை எடுக்க அரசு அனுமதிக்க கூடாது எனவும், கல் குவாரி அமைத்தால் நிலத்தடி நீருக்கு பாதிப்பு ஏற்பட்டு, விவசாயம் பாதிக்கப்படும் எனவும் பொதுமக்கள், சமூக ஆர்வலர்கள் பலர் கருத்து தெரிவித்தனர்.