கரூர் - வாங்கல் சாலை பழைய கலெக்டர் அலுவலகம் அருகே, பல ஆண்டுகளாக தாலுகா மற்றும் அரசு மருத்துவமனை செயல்பட்டு வருகிறது. கடந்த, அ.தி.மு.க., ஆட்சியில், கரூரில் அரசு மருத்துவ கல்லுாரி அறிவிப்பு வெளியான பிறகு, அரசு மருத்துவ மருத்துவமனை, மருத்துவ கல்லுாரி மருத்துவமனையாக மாற்றப்பட்டது. மருத்துவமனைக்கு வெளியே, தனியார் பங்களிப்புடன் பல லட்ச ரூபாய் செலவில், கழிப்பிடங்கள் கட்டப்பட்டது.கடந்த, 2020 ல் கரூர் அருகே, காந்தி கிராமத்தில் புதிதாக மருத்துவ கல்லுாரி மருத்துவமனை திறக்கப்பட்டது. கரூர் டவுன் அரசு மருத்துவமனையில் இருந்து, சித்தா மருத்துவ பிரிவை தவிர மற்ற பிரிவுகள் அனைத்தும், புதிய மருத்துவ கல்லுாரி மருத்துவமனைக்கு மாற்ற ப்பட்டது. தற்போது, பழைய அரசு மருத்துவமனையில், சித்தா பிரிவு, ஆயுர்வேத சிகிச்சை, இயற்கை மருத்துவ பிரிவுகள் செயல்படுகின்றன.

இந்நிலையில், பழைய அரசு மருத்துவமனை முன் கட்டப்பட்ட, கழிப்பிடங்கள் பல மாதங்களாக சேதம் அடைந்துள்ளது. இதனால், பொதுமக்கள், நோயாளிகள் திறந்த வெளியை கழிப்பிடமாக பயன்படுத்தி வருகின்றனர். எனவே, கரூர் டவுன் அரசு பழைய மருத்துவமனை முன் உள்ள, கழிப்பிடங்களை சீரமைத்து திறக்க, அதிகாரிகள் நடவடிக்கை எடுக்க வேண்டும்.