அரவக்குறிச்சி, பள்ளப்பட்டியில் நடந்த, உங்களுடன் ஸ்டாலின் திட்ட முகாமில், 75 வயது மூதாட்டி தனது உடல் உறுப்பை தானம் செய்வதாக கூறி, மனு அளித்தது வியப்பில் ஆழ்த்தியது.அரவக்குறிச்சி அருகே பள்ளப்பட்டியில், உங்களுடன் ஸ்டாலின் திட்ட முகாம் நேற்று நடந்தது. அப்போது, பள்ளப்பட்டி பட்டாணி தெருவில் வசிக்கும் கனகவல்லியம்மாள், 75, என்ற மூதாட்டி உங்களுடன் ஸ்டாலின் திட்ட முகாம் அலுவலர்களிடம், தனது உடல் உறுப்பை தானம் செய்வதாக மனு அளித்தார். இதையடுத்து தாசில்தார் மகேந்திரன், நகராட்சி தலைவர் முனவர் ஜான் ஆகியோர், மூதாட்டியை பாராட்டி பொன்னாடை போர்த்தி கவுரவித்தனர்.