அரவக்குறிச்சி மற்றும் சுற்றுவட்டார பகுதிகளில், கடந்த சில நாட்களாக சாரல் மழை பெய்து வருகிறது. இந்நிலையில் நேற்று காலை 6:00 மணி முதலே சாரல் மழை பெய்தது. பின்னர் 11:00 மணி முதல் 1:00 மணி வரை விட்டுவிட்டு மழை பெய்தது. அதன் பின்னர் கனமழையாக 3:00 முதல் 5:00 மணி வரை விடாமல் பெய்தது. இதனால் மக்களின் இயல்பு வாழ்க்கை பெரிதும் பாதிக்கப்பட்டது. வீட்டிலேயே முடங்கி கிடக்கும் நிலையும் ஏற்பட்டது. அரவக்குறிச்சி மற்றும் சுற்றுவட்டார பகுதிகளில் குளிர்ந்த காற்றும் வானம் மேகமூட்டத்துடன் காணப்படுவதால், மீண்டும் மழை பெய்யலாம் என எதிர்பார்க்கப்படுகிறது.