கரூர்:க.பரமத்தியில் அமைந்துள்ள, வானிலை மையத்தை, கண்காணிப்பு பொறியாளர் ஆறுமுகம் நேரில் ஆய்வு செய்தார்.தமிழக அளவில், அதிகபட்சமாக வெயில் அளவு வேலுார், கரூர் மாவட்டத்தில் பதிவாவது உண்டு. க.பரமத்தியில் வானிலை மையம் செயல்பட்டு வருகிறது. இங்கு, நேற்று முன்தினம், 39 செல்சியஸ் ( 102.1 டிகிரி பாரன்ஹீட்) வெப்பம் பதிவாகியுள்ளது. கடந்த மூன்று நாட்களாக இதே நிலை நீடித்து வருகிறது. இன்னும், அக்னி நட்சத்திரம் என்ற கத்திரி வெயில் துவங்குவதற்கு முன்னதாக கடும் வெப்பம் பதிவாகியுள்ளது. மேலும், 3 முதல் ஐந்து டிகிரி வெப்பநிலை உயரும் என்று வானிலை ஆய்வு மையம் அறிவித்துள்ளது.