கரூர் மாவட்டத்தில் காவிரி ஆற்றின் மேற்கு கரையில் நெரூரும், கிழக்கு கரையில் திருச்சி மாவட்டம் உன்னியூரும் உள்ளது. கரூர் மாவட்டத்தில் உள்ள நெரூர் உள்ளிட்ட பல்வேறு கிராமங்களை சேர்ந்தவர்கள் திருச்சி மாவட்டம் உன்னியூர், காட்டுப்புத்துார், தொட்டியம், முசிறி பகுதிகளுக்கு வாங்கல்-மோகனுார் பாலம் வழியாக, 15 கி.மீ முதல், 20 கி.மீ., வரை சுற்றி செல்ல வேண்டி-யுள்ளது. நெரூர்--உன்னியூர் இடையே காவிரியாற்றின் குறுக்கே, உயர்மட்ட பாலம் கட்ட வேண்டும் என்பது, அப்பகுதி மக்களின் நீண்ட நாள் கோரிக்கை. இதன்படி, 101.30 கோடி ரூபாய் மதிப்பில் பாலம் கட்டுமான பணி விறுவிறுப்பாக நடந்து வருகி-றது.இது குறித்து, மாநில நெடுஞ்சாலை துறை பொறியாளர்கள் கூறி-யதாவது:

இந்த உயர்மட்ட பாலம், 1,100 மீட்டர் நீளம், 25 துாண்களுக்கு இடையில், 26 ஸ்பான்கள் அமைக்கப்படும். இணைப்பு சாலை-யுடன் சேர்ந்த பாலம், 2,245 மீட்டர் நீளமாகும். பாலத்தின் மொத்த அகலம், 12.90 மீட்டர். வண்டி வழிகள், 10.50 மீட்டர் இருக்கும். இருபுறமும் நடைபாதைகள் இருக்கும். உன்னியூர் பக்-கத்தில் உள்ள, அணுகு சாலையின் ஒரு பகுதியாக கால்வாயின் குறுக்கே சிறு பாலமும் கட்டப்படும்.

கடந்த ஆண்டு பிப்ரவரியில் தொடங்கி பாலம் கட்டுமான பணி நடந்து வருகிறது. இதில், 25 துாண்கள் கட்டுமான பணி நிறைவ-டைந்து, 19 ஸ்பான்கள் வைக்கும் பணிகளும் முடிவடைந்துள்-ளது. நெரூர் பகுதியில் சாலை அமைக்கும் பணி தொடங்கப்பட்-டுள்ளது.

தற்போது, 75 சதவீதம் பணிகள் முடிந்துள்ளது. பாலம் கட்டி முடிக்கப்பட்டால் நெரூர், உன்னியூர் பகுதி மட்டுமின்றி, கரூரிலி-ருந்து சென்னை செல்வோருக்கு வசதியாக இருப்பதுடன், பயண நேரமும் வெகுவாக குறையும். திருச்சி உள்பட பல்வேறு மாவட்-டங்களில் இருந்து, நெரூரில் உள்ள சதாசிவ பிரம்மேந்திரர் கோவில் வந்து செல்ல வசதியாக அமையும்.

இவ்வாறு, கூறினர்.