அரவக்குறிச்சி குறுவட்ட அளவிலான கால்பந்து போட்டி, கரூர் மாவட்ட விளையாட்டு அரங்கில் நடைபெற்றது. இப்போட்டியில், பள்ளப்பட்டி மேல்நிலைப்பள்ளி மாணவர்கள், இளையோர் பிரிவில் இறுதி போட்டியில் ஈசநத்தம் ஹாஜிமீரா மெட்ரிக் பள்ளியுடன், 3--0 என்ற கோல் கணக்கில் வெற்றி பெற்று முதலிடம் பிடித்தனர்.

மூத்தோர் பிரிவு அரையிறுதி போட்டியில், ஹாஜி மீரா மெட்ரிக் பள்ளியுடன், 2--0 என்ற கோல்கணக்கில் வெற்றி பெற்று, இறுதி போட்டியில் ஸ்டார் மெட்ரிக் மேல்நிலைப் பள்ளியை, 3--0 என்ற கோல் கணக்கில் வெற்றி பெற்று முதலிடம் பிடித்தது. மிக மூத்தோர் பிரிவில் இறுதி போட்டியில், ஈசநத்தம் அரசு மேல்நிலைப்பள்ளியுடன் மோதி, 4-0 என்ற கோல் கணக்கில் வெற்றி பெற்று முதலிடம் பிடித்தனர்.மாணவியர் இளையோர் பிரிவு இறுதி போட்டியில், ஈசநத்தம் அரசு மேல்நிலைப் பள்ளியுடன் மோதி, 3-2 என்ற கோல்கணக்கில் வென்று முதலிடம் பெற்றனர். மூத்தோர் மாணவியர் பிரிவு இறுதி போட்டியில், ஈசநத்தம் அரசு மேல்நிலைப் பள்ளியை, 1--0 என்ற கோல் கணக்கில் வெற்றி பெற்று முதலிடம் பெற்றனர்.

வெற்றி பெற்ற மாணவ மாணவியரை பள்ளி தாளாளர், பள்ளப்பட்டி எஜுகேஷன் சொசைட்டியின் செயற்குழு, பொதுக்குழு உறுப்பினர்கள், தலைமை ஆசிரியர், உதவி தலைமை ஆசிரியர்கள், ஆசிரியர்கள் வாழ்த்து தெரிவித்தனர்.