பள்ளி அளவில் கலைத்திருவிழா போட்டி நடத்தி முடிக்கப்பட்டு, வட்டார அளவில் போட்டிகள் நடக்கின்றன. இதன்படி, தான்தோன்றிமலை ஊராட்சி ஒன்றிய வட்டார அளவிலான போட்டி நேற்று நடந்தது. 1 முதல், பிளஸ் 2 வரையான மாணவ, மாணவியருக்கு நடனம், பாட்டு, கவிதை, ஓவியம் உள்பட, 34 வகை தலைப்புகளில், போட்டிகள் நடத்தப்பட்டன. அதில், 5 பிரிவாக போட்டி நடத்தப்பட்டது. 80 பள்ளிகளை சேர்ந்த, 1,300 மாணவ, மாணவியர் பங்கேற்றனர். ஏற்பாடுகளை, தான்தோன்றிமலை வட்டார வளமைய மேற்பார்வையாளர் செல்வகுமார் செய்திருந்தார்.