கரூர் மற்றும் பசுபதிபாளையம் பகுதியை இணைக்கும் வகையில், அமராவதி ஆற்றின் கிளை வாய்க்கால் பகுதியில், பல ஆண்டு களுக்கு முன், சிறுபாலம் கட்டப்பட்டது. விவசாயிகள் அந்த பாலத்தை பயன்படுத்தி வந்தனர். இந்நி-லையில் கடந்த, 2013ல் கரூர் பசுபதிபாளையம் இடையே அமராவதி ஆற்றின் குறுக்கே புதிய பாலம் கட்டும் பணி நடந்தது. அப்போது, கிளை வாய்க்கால் மேல்பகுதியில் அமைந்த, சிறுபா-லத்தை பொதுமக்கள் பயன்படுத்தினர்.

அப்போது முதல், சிறுபாலத்தின் வழியாக கார், வேன் உள்ளிட்ட வாகனங்களும் சென்று வரு-கின்றன. இதனால், சிறுபாலம் மற்றும் சாலைகள் பழுதடைந்த நிலையில் உள்ளது. பாலம் இடிந்து வாய்க்காலில் விழுந்தால், கழிவுநீர் அமராவதி ஆற்றில் நேரடியாக சேரும் நிலை ஏற்படும்.

எனவே, அமராவதி ஆற்றின் கிளை வாய்க்கால் மீது கட்டப்பட்டுள்ள சிறுபாலம் மற்றும் சாலை-களை சீரமைக்க, நடவடிக்கை எடுக்க வேண்டியது அவசியம்.