கரூர் மாவட்டம், மாயனுார் அரசு மாதிரி பள்ளியில், 'நலம் காக்கும் ஸ்டாலின்' திட்ட முகாமை கலெக்டர் தங்கவேல் ஆய்வு மேற்கொண்டார்.அப்போது, அவர் கூறியதாவது:

இந்த சிறப்பு மருத்துவ முகாமில் பொது மருத்துவம், பொது அறுவை சிகிச்சை, எலும்பு முறிவு மருத்துவம், பேறுகால மருத்துவம், குழந்தைகள் நல மருத்துவம், நுரையீரல், நீரிழிவு நோய்க்கான, தோல் சிறப்பு மருத்துவம், பல் மருத்துவம், கண் சிறப்பு மருத்துவம், காது, மூக்கு, தொண்டை மருத்துவம், மனநல மருத்துவம் உள்பட, 17 சிறப்பு மருத்துவ சிகிச்சைகள் சிறப்பு மருத்துவ நிபுணர்களால் சிகிச்சை வழங்கப்பட்டது. அனைத்து சிகிச்சைகளும், பரிசோதனைகளும் ஆன்லைன் மூலம் பதிவு செய்யப்படுகிறது. இதுவரை நடத்த முகாமில், 7,493 ஆண்கள், 12,194 பெண்கள் உட்பட மொத்தம், 19,829 பேருக்கு மருத்துவ பரிசோதனை மேற்கொள்ளப்பட்டது. இவ்வாறு அவர் கூறினார்.

துணை இயக்குனர்(சுகாதார பணிகள்) சுப்பிரமணியன் உள்பட பலர் பங்கேற்றனர்.