தர்மபுரி மாவட்டம், அரூர் அடுத்த வள்ளிமதுரையில், வரட்டாறு தடுப்பணை உள்ளது. கிழக்கு தொடர்ச்சி மலையில் அமைந்துள்ள சித்தேரி மலையில் இருந்து, தடுப்பணைக்கு நீர்வரத்து வருகிறது.

இதிலிருந்து, திறந்து விடப்படும் தண்ணீரால் தாதரவலசை, கீரைப்பட்டி, கெளாப்பாறை, எல்லப்புடையாம்பட்டி, அச்சல்வாடி, செல்லம்பட்டி உள்ளிட்ட, 15 கிராமங்களை சேர்ந்த, 5,108 ஏக்கர் பாசன வசதி பெறுவதுடன், 25 ஏரிகள் நிரம்பும்.

இந்நிலையில் அரூர் மற்றும் சுற்று வட்டாரப்பகுதிகளில் கடந்த சில நாட்களாக வடகிழக்கு பருவமழை பெய்து வருவதால், வரட்டாறு தடுப்பணைக்கு நீர்வரத்து வரத்

துவங்கியது.

சித்தேரி மலைப்பகுதியில் கடந்த, 24ல் பெய்த கனமழையால் தடுப்பணைக்கு நீர்வரத்து அதிகரித்தது. இதனால் தடுப்பணையில் மொத்த கொள்ளளவான, 34.45 அடியை, கடந்த, 26ல் எட்டியது. தொடர்ந்து, நீர்வரத்து வருவதால் தடுப்பணையில் இருந்து தண்ணீர் பெருக்கெடுத்து ஓடுகிறது. தடுப்பணைக்கு, 15 கனஅடி நீர்வரத்து வருகிறது.