கிருஷ்ணகிரி,:கிருஷ்ணகிரியில், வரும் 24ல் தனியார் துறை வேலைவாய்ப்பு முகாம் நடக்கிறது.இது தொடர்பாக, மாவட்ட வேலைவாய்ப்புத்துறை அலுவலகம் வெளியிட்ட அறிக்கை: கிருஷ்ணகிரி மாவட்ட வேலைவாய்ப்பு மற்றும் தொழில்நெறி வழிகாட்டும் மையம் சார்பில் சிறிய அளவிலான தனியார் துறை வேலைவாய்ப்பு முகாம் வரும், 24 காலை, 10:00 மணி முதல் மதியம், 1:00 மணி வரை, மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் நடக்கிறது. இதில், கிருஷ்ணகிரி மற்றும் ஓசூரை சேர்ந்த முன்னணி தனியார் துறை நிறுவனங்கள் ஆட்களை தேர்வு செய்ய உள்ளனர். 8ம் வகுப்பு தேர்ச்சி முதல் பிளஸ் 2 தேர்ச்சி, பட்டதாரிகள், பட்டயப் படிப்பு படித்தவர்கள், ஐ.டி.ஐ., டிப்ளமோ படித்தவர்கள் என, அனைத்து வித கல்வி தகுதியினரும் கலந்து கொள்ளலாம்.

இவ்வாறு, அதில் தெரிவிக்கப்பட்டுள்ளது.