ஓசூர்: அகில இந்திய விஷ்வ ஹிந்து பரிஷத், 60 ம் ஆண்டு நிறைவையொட்டி, ஓசூர் மீரா மகாலில், மாத்ரு சக்தி மற்றும் துர்கா வாஹினி ஆகியவை சார்பில், 350 பெண்கள் பங்கேற்ற திருவிளக்கு பூஜை மற்றும் ரக்ஷாபந்தன் விழா நேற்று நடந்தது. துர்காவாஹினி கோட்ட அமைப்பாளர் சுனிதாமதி வரவேற்றார். மாத்ரு சக்தி மாவட்ட சத்சங் அமைப்பாளர் பத்மஜா, மாவட்ட அமைப்பாளர் மதிகலா ஆகியோர், திருவிளக்கு பூஜையை நடத்தி வைத்தனர். உலக நன்மை வேண்டியும், மக்கள் நோய், நொடியின்றி வாழவும் பூஜை நடந்தது.