நேற்று முன்தினம் இரவு, மூன்று யானைகளும் தேன்கனிக்கோட்டை அருகே சாவரபத்ரம் செல்லும் சாலையில் உள்ள தனியார் எஸ்டேட் பகுதிக்கு சென்றன. அப்போது அங்கிருந்த ஒரு பள்ளத்தில் இறங்கிய போது, அப்பகுதியில் தாழ்வாக சென்ற மின்கம்பி மீது ஒரு யானை உரசியது. இதில், மின்சாரம் பாய்ந்து அந்த யானை பலியானது. தேன்கனிக்கோட்டை வனத்துறையினர் சம்பவ இடத்திற்கு சென்று விசாரணை நடத்தியதில் உயிரிழந்தது, 40 வயது மதிக்கத்தக்க ஆண் யானை என, தெரிந்தது.

கடந்த மாதம் தேன்கனிக்கோட்டை அடுத்த சந்தனப்பள்ளியில் தாழ்வாக சென்ற மின்கம்பியில் உரசி ஒரு யானை பலியானது குறிப்பிடத்தக்கது.