இறைச்சி எடுக்கப்பட்ட நிலையில், மாட்டின் எலும்பு, கொம்புகள், தோல் ஆகியவை திறந்தவெளியி-லேயே கொட்டப்படுகின்றன. இறைச்சி கழிவுகளால், துர்நாற்றம் வீசுவதால், அப்பகுதிவாசிகள் சிரமத்திற்கு ஆளாகி உள்ளனர். மேலும், இறைச்சிக்காக நாய்கள் சுற்றுவதால், வாகன ஓட்டிகள் விபத்தில் சிக்கி வருகின்றனர். அதே போல், வர்ணீஸ்வரர் கோவில் எதிரில், செயல்படும் இறைச்சி கடைகளில் இருந்து ஆடு, கோழி ஆகியவற்றின் கழிவுகள் அங்குள்ள ராஜகால்வாயில் கொட்டப்படுவதால், பக்தர்கள் துர்நாற்றம் தாங்க முடியாமல், மூக்கை பொத்திக் கொண்டு செல்லும் பரிதாபம் உள்ளது. எனவே, சுகாதார கேடு ஏற்படும் வகையில், நடந்து கொள்ளும் இறைச்சி கடைக்காரர்கள் மீது, அதிகாரிகள் தக்க நடவடிக்கை எடுக்க வேண்டும் என, பொதுமக்கள் கோரிக்கை விடுத்துள்-ளனர்.