கிருஷ்ணகிரி புதிய பஸ் ஸ்டாண்டில், தமிழ்நாடு குடிநீர் வடிகால் வாரியம் சார்பில், மழைநீர் சேகரிப்பு விழிப்புணர்வு பேரணி மற்றும் மழைநீர் சேகரிப்பு விழிப்புணர்வு வாகன துவக்க விழா நடந்தது. இவற்றை, மாவட்ட கலெக்டர் சரயு கொடிய-சைத்து துவக்கி வைத்து, பொதுமக்களுக்கு துண்டு பிரசுரம் வழங்-கினார்.

பின்னர் அவர், நிருபர்களிடம் கூறியதாவது:

வடகிழக்கு பருவமழை காலத்தில், மழைநீரை முழுமையாக சேகரித்து, நிலத்தடி நீர்மட்டத்தை உயர்த்த, மழைநீர் சேகரிப்பு கட்டமைப்புகளை புனரமைத்து, மழைநீரை சேகரித்து, தண்ணீர் பிரச்னையை தீர்ப்போம். கண்மாய், குளம், ஊரணி, ஏரி, பழமை-யான நீராதார கட்டமைப்புகளை ஆழப்படுத்தி மேம்படுத்-துவோம். வீடுகளில் மழைநீர் சேகரிக்க வீட்டு கூரையை மழைக்-காலத்திற்கு முன் சுத்தப்படுத்த வேண்டும். 1,000 லி., சேமிப்-புக்கு, 4 கிராம் பிளீச்சிங் பவுடர் கரைசலை, சேமிக்கப்பட்ட மழைநீரில் கலக்க வேண்டும். வீட்டுக்கூரையின் மேல் விழும் மழைநீரை, வடிகுழாய் மூலம் கொண்டு வந்து, மணல் வடிப்-பானில் செலுத்த வேண்டும்.

இவ்வாறு, அவர் கூறினார்.

இப்பேரணி, புதிய பஸ் ஸ்டாண்டில் துவங்கி, பழைய பஸ் ஸ்டாண்டில் நிறைவடைந்தது. இதில் தனியார் கல்லுாரி மாணவ, மாணவியர் பங்கேற்றனர். தமிழ்நாடு குடிநீர் வடிகால் வாரிய மேற்பார்வை பொறியாளர் பாலசுப்பிரமணியன், செயற்பொறியா-ளர்கள் ரவிக்குமார், சேகர் உட்பட பலர் பங்கேற்றனர்.