டிரைவரிடம் விசாரித்ததில், கர்நாடக மாநிலம் கோலார் மாவட்டம் கங்காநல்லுாரை சேர்ந்த அரவிந்த், 32, என தெரிந்தது. இதுதொடர்பாக வழக்குப்பதிந்த போலீசார், அரவிந்தை கைது செய்தனர். அவரது வாக்குமூலப்படி கிருஷ்ணகிரி மாவட்டம் சின்னகொத்துாரை சேர்ந்த விஜயகுமார், 42, என்பவரும் கைது செய்யப்பட்டார்.

இதுகுறித்து போலீசார் கூறியதாவது:

விஜயகுமாரிடம் விசாரித்ததில், ரேஷன் கடை, மக்களிடம், குறைந்த விலைக்கு அரிசியை வாங்கியது தெரிந்தது. அவரது கூட்டாளிகளாக, கிருஷ்ணகிரியை சேர்ந்த நந்தகுமார், மாரிமுத்து செயல்பட்டுள்ளனர். மூவரும், அரிசியை வாகனங்களில் எடுத்துச்சென்று, நாச்சிக்குப்பத்தில் குவித்து, தார்ப்பாய் போட்டு மறைத்து வைத்துவிடுவர். பின் கர்நாடகா மாநிலம் தொட்டபன்னண்டஹள்ளியை சேர்ந்த லோகேஷ் என்பவருக்கு தகவல் தெரிவிப்பதாகவும், அவர் அரிசியை மொத்தமாக கொள்முதல் செய்து, கர்நாடகாவில் உள்ள அரிசி ஆலைக்கு விற்பதாகவும், விஜயகுமார் தெரிவித்தார். இதுதொடர்பாக சிலரை தேடி வருகிறோம்.

இவ்வாறு அவர்கள் கூறினர்.